播出日期:4/11/2019

牛肉麵… 點心… 台灣刈包… 仲有呢樣嘢飲？ 台北桃園國際機場國泰貴賓室真係乜都有喎！

喺台北桃園機場嘅國泰航空貴賓室，原來係喺 2015 年首批完成翻新嘅貴賓室之一，佢係國泰航空喺香港以外其中一個最大嘅貴賓室。喺進入貴賓室之後，經過長長嘅走廊，就嚟到餐飲區喇。

貫徹所有嘅新一代貴賓室嘅風格，呢個餐飲區嘅設計對於國泰飛行常客嚟講就唔會陌生喇。國泰刻意將 Noodle Bar 麵吧嘅設計統一，不過唔同地方當然有當地嘅傳統美食喇。

首先要介紹嘅，就係呢碗牛肉麵喇。唔好睇小佢喎，身邊好多朋友都話好食過好多街舖，哈哈不過唔好意思，我唔食牛嘅，所以呢度好貼心咁，幫我整咗個牛肉湯麵。

除咗牛肉麵之外，呢度個廚房仲有香港嘅美食雲吞麵、糯米飯、生煎包、仲有好似燒賣、蘿蔔糕同埋粉果呢啲點心、原來仲有西式嘅 Panini ..... 哇！仲有台灣地道嘅刈包呀！呢個字廣東話原本讀「刈」（音「艾」）不過普通話嘅讀音就係刈包 （Gua第一聲），廣東話通常都叫番做「割」包，即係蒸饅頭入邊夾滷肉同埋其他嘅配料。

睇吓呢度嘅環境啊，除咗又大又舒適嘅餐廳之外，再行入啲就係休閒區喇，兩邊嘅窗口都可以望到機場嘅景色，而且仲有國泰特色嘅單人座位同埋可以一家人坐埋嘅用餐位置，相當貼心㗎！

貴賓室又點可以冇酒吧呢？不過今日我就唔係介紹飲酒嘅，唔講你唔知，原來呢度可以點台灣著名飲品珍珠奶茶㗎！等我整返杯先！

成日掛住做嘢嘅你，呢度都有工作間，除咗有電腦之外仲配備埋printer同埋紙！好貼心㗎！

其他集數

大大粒士多啤梨又食又拎！ Sorell Fruit Farm 果園任你玩！

吉隆坡宵夜系列 2 - 特色街邊地道板麵

吉隆坡零晨路邊覓食 - 大大碟叉燒雲吞撈！［吉隆坡美食2019］

播放中

國泰貴賓室系列 - 台北桃園機場國泰貴賓室 CX Lounge Taipei [2019]

台北麻辣火鍋王者！溫體牛+伊比利豬頂級美食！刀叉食鴨血你又試過未？

澳洲有乜嘢古怪肉食？ 地道美食你又Like唔Like？

魚頭米線皇者之選！同場加映XO老鼠粉！吉隆坡美食推介 [2019]

台北 Pizza Hut 臭豆腐 Pizza - 真係咁好食？