播出日期:11/12/2019
今時今日智能手機已經可以代替信用卡嘅實體卡，不過如果你要撳錢，都仲係要攞張實體提款卡喎。恒生銀行近期就推出咗無卡提款服務，點申請同點用？今日就同大家睇吓！
要用呢個服務，首先你要下載同埋登入恒生銀行嘅手機應用程式，之後喺旁邊嘅功能表揀番「手機提款」、如果你係第一次使用，就要首先設定無卡提款嘅每日上限，而最高呢就可以設定為港幣一萬蚊，跟住做多次身份認證，設定就叫做完成喇。
之後每次進入「手機提款」嘅選項，你只要輸入要提取嘅金額，就填 $100 港紙呀，跟住就揀埋係唔係需要列印通知書，手機嘅設定就叫做完成。
我今次就揀咗用二維碼 QRCode 做今次嘅提款，行到埋部提款機，右上角嘅功能鍵就係全新嘅「手機提款」服務選項，撳咗呢個掣之後，提款機就會出現一個 QR code，跟住再用自己手機嘅恒生銀行流動應用程式掃描呢個 QRCode，咁就搞啦，大約 3 至 4 秒左右，錢就到手喇！同一時間你亦都會收到一個提示短訊，通知同埋確認呢次提款。
現時恒生銀行全線嘅提款機已經支援 QR code 作為手機提款服務，亦都有部份嘅提款機可以透過 NFC 同埋類似嘅操作認證提款。以後就算冇帶提款卡，手機都可以幫你拎到 cash 啦
《Z世代達人》
麥卓華
