播出日期:15/1/2020
有用開 Chrome 嘅朋友都會留意到，當去到要填用戶名稱同埋密碼嘅時候，都會問你使唔使記低有關嘅登入資料，方便之後再次登入時，無需要重新輸入密碼。好多朋友，包括我自己，都會貪方便選擇使用相關嘅服務，久而久之，我就會儲一堆用戶名稱同埋密碼喇。
當你喺 Chrome 打開 passwords.google.com ，一碌落去你就會睇到 Google 記錄你幾多組密碼。如果你撳入去，更加會睇相關嘅密碼顯示出嚟！唔好以為密碼淨係存起自己部機入邊！由於 Chrome 會透過 Google 同步瀏覽器嘅設定，包括呢啲儲存咗嘅密碼，到雲端同埋其他相應嘅手機或者裝置，雖然做咗加密，但係理論上服務提供者都有機可以赤裸裸咁睇到你嘅密碼㗎！
我嘅建議就係睇一次記錄左咗邊啲密碼，如果相關嘅登入資料較敏感，就應該先行移除儲存咗嘅密碼資料，你可以撳入去想刪除嘅組別，之後如果需要，Google會要求你輸入多次 Google 嘅密碼，之後揀「Delete」就OK！
如果你部電腦係俾公司嘅事用，又唔想佢哋儲存密碼，亦都可以喺個 Password Manager 頁面，揀右上角嘅 Options，將頭兩個選項 Offer to save passwords 同埋 Auto Sign-in 熄咗佢就可以喇！
《Z世代達人》
麥卓華
其他集數
賣舊機前必做！2分鐘速成刪除大法你要知！iPhone 12 Galaxy S20
Samsung Galaxy S10 / Note10 系列升級 Android 10 後無咗 VoLTE 同 VoWifi？一分鐘 教你無痛修復！
點用銀聯卡 6折在 7-11 購物？雲閃付二維碼付款你玩過未？
一按即 Check 你被儲存幾多密碼！ Google Chrome 自動填密碼 登入密碼上載互聯網 方便背後隱憂大！
Amazfit T-Rex 軍用級智能錶 HK$880！ 向 G-Shock 致敬？ 性價比智能錶大戰由此起！
網絡商出 Samsung Galaxy Note10 系列 可以原價 Trade-In 5G 手機咁著數？
iPhone 終於可以用八達通App⋯⋯ 查餘額！俾錢仲要等等
教你 1 分鐘解除 Chrome 垃圾推送通知！
