播出日期:10/1/2020
小米 Xiaomi 生態圈旗下嘅華米，喺 2020 年 CES 發佈咗全新軍事級三防智能手錶 Amazfit T-Rex。驟眼睇 Amazfit T-Rex 真係好似 G-Shock 系列嘅手錶，除咗夠型之外，仲獲得 12 項軍規認證，抵禦極端嘅環境，可以喺低至零下 40 度到高達 70 度嘅高溫正常操作，防水深度亦都達到 50 米，配合內置嘅雙 GPS 定位，由一般做吓行山到攀山越嶺嘅運動，都絕對應付得到。
Amazfit T-Rex 採用咗 1.3 英寸嘅 AMOLED 炫彩屏幕，而且支援全天候顯示，一般正常使用嘅情況之下，充一次電就可以用到 20 日，唔使成日掛住充電，相當方便㗎！
由於 Amazfit T-Rex 採用自家開發嘅系統，只要配合相應嘅流動應用程式，無論你係使用 Android 手機定係 iPhone，都以配合使用，由接收手機嘅通知，到流動支付都完全無問題！另外，呢隻智能手錶內置咗 14 種專業嘅運動模式，好似喺泳池遊水、公開水域游泳、戶外跑、甚至三項鐵人都一樣支援，仲可以監測運動嘅心率同埋統計運動嘅時間數據，增強運動嘅安全性同埋效果。
另外 Amazfit T-Rex 仲內置咗華米自家研發嘅 BioTracker PPG 生物追蹤光學傳感器，可以喺日常廿四小時無間斷咁監察心率，絕對係健康嘅好拍檔。
Amazfit T-Rex 喺內地已經推出咗，5 款顏色嘅選擇，賣緊民幣 799 元，想信好快就會喺香港及其他地區發售
《Z世代達人》
麥卓華
其他集數
Samsung Galaxy S10 / Note10 系列升級 Android 10 後無咗 VoLTE 同 VoWifi？一分鐘 教你無痛修復！
點用銀聯卡 6折在 7-11 購物？雲閃付二維碼付款你玩過未？
一按即 Check 你被儲存幾多密碼！ Google Chrome 自動填密碼 登入密碼上載互聯網 方便背後隱憂大！
Amazfit T-Rex 軍用級智能錶 HK$880！ 向 G-Shock 致敬？ 性價比智能錶大戰由此起！
網絡商出 Samsung Galaxy Note10 系列 可以原價 Trade-In 5G 手機咁著數？
iPhone 終於可以用八達通App⋯⋯ 查餘額！俾錢仲要等等
教你 1 分鐘解除 Chrome 垃圾推送通知！
又一數據漫遊卡登場！ HahaSIM 主打平價 $10 一日！
