播出日期:3/1/2020
八達通曾經表示將會喺 2019 年之內兼容 iPhone 嘅 Apple Pay 流動支付，不過到咗年底都係只聞樓梯響。近日，八達通官方透過更改新聞稿嘅內容，透露八達通的 Apple Pay 支援將會喺 2020 年推出，總算有個交代。
可能為了安撫一眾 iPhone 嘅用家，踏入 2020 年，iPhone 嘅八達通流動應用程式推出更新。更新之後，iPhone 8 或以上嘅手機型號，都可以直接用你嘅 iPhone，查閱八達通卡嘅餘額、交易紀錄、以及為已登記嘅卡以 O！EPay 結餘增值，唔需要再透過額外嘅讀咭器，相信直接用手機嘟卡入閘都指日可待。
講咗咁耐，都要試試 iOS 版本的體驗。
首先試一試查詢餘額同埋交易紀錄。同 Android 有少少唔同，當八達通卡放近 iPhone 嘅時候，iPhone 喺唔會自己感應到。你要去「查詢」、「拍八達通卡」、再等提示提你拍卡，先至可以用到。iPhone 嘅 NFC 感應喺機頂，所以大家拍卡嘅的時候就要留意。增值方面，就同 Android 差唔多。只要你嘅八達通卡已經登入喺你嘅戶口裡面同 O！EPay 戶口有錢，你只要按「增值」、再輸入銀碼、確認之後就可以拍卡增值！
另外，好多朋友都有兩部手機，喺測試嘅時候，係可以兩部手機同步登入同一個戶口。仲有一個得意事，就是整個 Samsung Smart Octopus 卡拍喺 iPhone 查閱餘額，都一樣可以！
《Z世代達人》
麥卓華
其他集數
一按即 Check 你被儲存幾多密碼！ Google Chrome 自動填密碼 登入密碼上載互聯網 方便背後隱憂大！
Amazfit T-Rex 軍用級智能錶 HK$880！ 向 G-Shock 致敬？ 性價比智能錶大戰由此起！
網絡商出 Samsung Galaxy Note10 系列 可以原價 Trade-In 5G 手機咁著數？
iPhone 終於可以用八達通App⋯⋯ 查餘額！俾錢仲要等等
教你 1 分鐘解除 Chrome 垃圾推送通知！
又一數據漫遊卡登場！ HahaSIM 主打平價 $10 一日！
5G 性價比王來了！ 5G 手機 2000 有找？Redmi 紅米K30 5G 手機
無卡提款一嘟OK！恒生銀行率先推出！一APP攪掂晒
