播出日期:4/3/2020

今日嚟到新加坡，帶大家嚟到呢間 東亞餐室，搵個傳統嘅介央多士食吓先！
呢間東亞餐室開咗幾十年，主打傳統嘅多士同埋奶茶咖啡，中午過後亦都有供應咖喱同埋其他主食。今日一朝嚟到，就梗係要試吓呢度嘅多士啦！
首先嚟講吓最傳統嘅介央多，麵包夾鮮牛油同埋自製嘅海南介央，牛油配合介央濃厚嘅椰子味，一啖一舊啱啱好。你仲可以揀白麵包或者麥包，各有滋味架！
每次嚟到東亞，又點可以唔食呢個獨家嘅介央西多士呢！用西多士嘅煮法，蛋漿浸麵包再煎香，中間加入牛油，當然唔少得大大嚿嘅介央醬，真係食過返尋味㗎！
南洋人食早餐，除咗多士之外，都鍾意配埋半生熟蛋，要嚟點多士，又或者加入胡椒粉同埋醬豉油食㗎！
最後講下啲飲品啦！無論呢度定係大部份嘅小販市場，咖啡就叫做 Kopi、奶茶就叫做 Teh、凍飲就係 Bing、O 就係唔加奶，所以頭先左手邊嘅凍齋啡就係 Kopi O Bing、中間杯熱齋啡就係 Kopi O、右面嘅凍奶茶就係 Teh Bing！
要嚟呢度好簡單，你可以坐 MRT 嘅綠色或者紫色線去到 Outram Park 站，H 出口再向前行，上斜路就會見到東亞嘅字樣，再行前對面就係！

東亞餐室
35 Keong Saik Rd., Singapore 089142

其他集數

開箱！日本伊豆全新巴士主題旅館BUSTAY │ 飯店開箱 主題住宿 巴士旅館

[新加坡旅遊氣泡2021] 3小時步遊濱海著名景點！魚尾獅、濱海藝術中心、金沙酒店、濱海灣公園一次玩晒

澳洲自駕遊2020 澳洲墨爾本近距離睇樹熊！生態旅遊第一步！- 食玩飛常遊

播放中

食玩飛常遊 - 【新加坡美食2020】- 介央多可以有幾多種食法？帶你去食盡新加坡地道多士！ - 新加坡 自由行 景點 東亞餐室

塔斯曼尼亞景點 2020 蘋果酒係點生產？帶你飲地道 Apple Cidar ! - 澳洲自由行 Huon Cidar

【吉隆坡美食2020】 呢間瓦煲雞飯大不同！慢火煮入味又好食！168餐室 168瓦煲雞飯 Pudu

2020 台北捷運環狀線開通！ 轉乘要注意呢件事......

吉隆坡國際機場KLIA 馬航頭等貴賓室實測！ MH First Class Lounge