播出日期:4/1/2021

好多時去酒樓都會叫個醉雞做前菜，呢味來自浙江嘅美食，原來一啲都唔難整，今日就同大家睇下！

首先睇睇所需嘅材料：
雪藏雞髀扒  2 件
紹興花雕酒  300 - 350 毫升

浸湯料：
黨參  2 片 /  7 - 8 粒
杞子  10 餘粒
雞粉  半茶匙
鹽  半茶匙
糖  一茶匙
水  200 - 250 毫升

首先將雞髀扒解凍，之後用少少鹽、雞粉同埋少少紹興酒醃大約20-30分鐘。

等緊醃雞嘅時間，就可以煮浸湯料。將所有湯料煮滾，之後放入一個玻璃器皿，攤凍一陣就可以放落雪櫃。

跟住將雞髀扒放喺錫紙上面，再好似我咁卷實，將兩邊錫紙扭實，將呢兩條錫紙雞卷放入一鑊滾水入面，之後冚蓋同埋轉中細火，煮25-30分鐘。撈起之前可以用筷子篤一篤雞卷中間，篤得過同拎出來後無血水就即係已經熟透。

之後可以將包左錫紙嘅雞卷放入冰水入邊降溫，之後拆開錫紙，將雞卷放入雪凍咗嘅浸湯入面，再加入300-350毫升嘅紹興花雕酒，最好浸過整個雞卷，之後就可以冚蓋放返入雪櫃，雪最少8-10小時。

夠時間之後拎返出嚟，用刀切成薄件，上碟排好，再加入少少浸湯，咁就完成喇！唔止好食，賣相都一流㗎！

其他集數

今年必選蘿蔔糕 有乜咁特別? 教你邊度辦齊年貨

古祖蛋糕食譜 氣炸鍋零失敗 古祖味蛋糕

尚青商號│傅珮嘉開新舖 牛燥飯、牛肉麵 濃濃的台灣味道

播放中

【簡單食譜】醉雞做法大公開！醉雞卷 即睇好食前菜在家做！

【氣炸鍋食譜】氣炸鍋燒春雞 兩個秘訣話你知！嫩滑多汁無難度！

油炸鬼都可以自家製！零失敗自製油條 熱辣辣 脆卜卜 ｜ Fried Bread Stick

[湯水食譜]粟米鬚湯 生津解渴 清熱祛濕消水腫！

[聖誕禮物2020] 仿真指壓按摩不求人！韓國mediness「四手神肩」shiatsu指壓肩頸按摩器 | 迷你雪櫃汽水機 懶人恩物！