播出日期:24/12/2020

熱辣辣、脆卜卜嘅油炸鬼就梗係好食啦，不過好多時買到返屋企，已經唔熱唔脆，有冇諗過連油炸鬼都可以自家製呢？等我即刻同你分享下！

講緊嘅就係呢款「油條粉」喇！做法相當簡單，只要用250克嘅油條粉，加入145克嘅水，再好似我咁，用手搓成麵團，成形之後喺室溫放6-12個鐘，記得放個保鮮袋喺麵團上面保濕！

放夠時間之後，再搓一搓，之後好似我宜家咁壓平，闊度大約10厘米，用切刀切成2厘米一條嘅麵團，將兩條麵團叠起，用切刀輕力壓一壓中間，就基本上完成。

呢個時間就可以開油鑊，油滾後將頭先整好嘅麵團拉長再放入油鑊炸，你會發現麵團會慢慢漲起同埋浮起，由於浮起咗嘅關係，向面一邊唔係完全炸透，所以記得時不時用筷子反轉油炸鬼，直到兩面都呈現金黃色就可以撈起、隔油！我就鍾意用廚房紙再吸一吸油，冇咁熱就即刻食得㗎喇！俾埋個芯大家睇下，自家製一樣咁掂！

呢包「油條粉」喺東源號買得到！佢哋仲有好多種類嘅食材同埋烘焙材料，你都可以去佢哋嘅舖頭或者網上商店購買㗎！

其他集數

尚青商號│傅珮嘉開新舖 牛燥飯、牛肉麵 濃濃的台灣味道

【簡單食譜】醉雞做法大公開！醉雞卷 即睇好食前菜在家做！

【氣炸鍋食譜】氣炸鍋燒春雞 兩個秘訣話你知！嫩滑多汁無難度！

播放中

油炸鬼都可以自家製！零失敗自製油條 熱辣辣 脆卜卜 ｜ Fried Bread Stick

[湯水食譜]粟米鬚湯 生津解渴 清熱祛濕消水腫！

[聖誕禮物2020] 仿真指壓按摩不求人！韓國mediness「四手神肩」shiatsu指壓肩頸按摩器 | 迷你雪櫃汽水機 懶人恩物！

【蛋撻食譜】屋企簡單整新鮮出爐蛋撻！零失敗 個半鐘有得食！

北海道雷電蜜瓜試食！ 教你點揀蜜瓜先夠甜？仲有抵食好介紹！