播出日期:12/7/2021
Honor 早前就推出咗新嘅智能手錶－Honor Watch ES，今日就同大家做個開箱睇下！
Honor Watch ES擁有長方形嘅機身，配備支援 Always-On Display 嘅1.64 吋AMOLED觸控屏幕。而喺機身嘅右側，佢就設有一個實體功能鍵同收音咪。由於佢嘅錶身只有21g，所以即使長期佩戴，都依然可以保持輕盈舒適嘅感覺。
佢採用咗華為TruSeen™ 4.0技術，支援全天候心率監測，佩戴時如果用家心率有異常嘅話，佢就會發出警示提醒用家注意。佢亦都設有血氧飽和度監測，睡眠質素監測，同埋加入咗TruRelax功能追蹤壓力水平，一站式為用家提供健康資訊。
Honor Watch ES提供95種鍛煉模式，例如室內外跑步、踩單車、游水同埋舞蹈等等，期間佢會為用家記錄時間、熱量、平均心率等資料。另外，佢設有12種健身課程，而佢亦將課程嘅各種鍛煉動作以動畫形式顯示喺屏幕，等用家可以跟住做。
用家只要喺Android或IOS嘅手機入面下載Huawei Health App，並喺App入面將手錶連結，就可以進行詳細設定、更換錶面設計，同睇到更加詳細嘅健康資訊、運動記錄等等。
呢隻Honor Watch ES採用磁吸式充電設計，官方就話差滿電就可以有10日嘅續航力，咁就啱晒鍾意長期戴住智能手錶嘅朋友喇！
Honor Watch ES香港已經正式推出，隕石黑版本賣緊HKD$599，以呢個價錢有齊全天候心率監測、血氧飽和度監測同咁多款鍛煉模式，可以話係超高性價比！
其他集數
Nokia C30 大螢幕入門手機 | 6.82 吋 HD+水滴大螢幕 6000mAh 3日續航大電量
Nokia XR20 三防5G手機 | 軍規防護認證 IP68 防塵防水 耐用度極高
Honor Band 6 開箱評測 | Watch ES 同門師兄弟 屏幕比上代再大一半 極長續航力都只係幾百蚊?
Honor Watch ES 開箱評測 | 高性價比智能手錶 $600都唔駛 健身課程變動畫 跟住做冇難度
黑鯊4 5G 開箱評測 | 小米電競手機 加入實體 L/R 鍵 抵玩過 ASUS ROG Phone?
Amazfit GTS2 Mini 開箱評測 | 媲美Apple Watch內建功能 體積更小 更高性價比 ?
全港首試 AlipayHK x Sino 消費券體驗館 | 熱門打卡推介 即試電子消費券 登記獲取更豐富優惠
小米手環6 開箱評測 | 5 ATM防水 運動健康全天候監察 都唔駛$300
