播出日期:30/3/2023
又黎到Z世代達人嘅時間啦~ 紅米近日發佈左全新嘅Note 12系列，主打性價比嘅紅米又會喺Note12系列帶左咩野驚喜比我地呢?
今日喺我手上就會有Note 12 系列入邊嘅Note 12 Pro 5G，呢部次旗鑑級中階機喺某啲地方一啲都唔輸蝕旗鑑級手機架， 今日我地就一齊睇睇啦
Note 12 Pro 5G一拎上手就有驚喜，佢嘅重量只有187克，相比其他智能手機真係輕好多，而且Note 12 Pro 5G機身一啲都唔𠝹手，摸落去好光滑好舒服，而且仲唔會「線」手添
Note 12 Pro 5G嘅機身主要以簡約風格為主，機背就採用左拋光玻璃材質，令到成部電話比人感覺簡潔又不失高雅嘅氣質
而屏幕方面，Note 12 Pro 5G 設有6.67吋高階Flow AMOLED螢幕，Flow AMOLED嘅彈性材質令到機身嘅底部邊框面積更細，帶比用戶更大嘅顯示畫面。
而且Note 12 Pro 5G仲支援最高120HZ嘅營幕更新率。
所以就咁睇屏幕方面嘅配置，Note 12 Pro 5G可以話同現今市場嘅旗鑑級手機相差無幾。
以中階機價位黎睇，Note 12 Pro 5G喺屏幕真係比到驚喜我啊
而電池方面，Note 12 Pro 5G設有5000mAH嘅大電池，支援67W超級快充功能，官方亦都宣篇，只要充電15分鐘，就可以充到接近一半嘅電量添
而Note 12 Pro 5G嘅處理核心就採用左聯發科技嘅Dimensity 1080處理器，同時亦都採用12 層石墨片冷卻系統，令到CPU嘅核心溫度就算長時間使用都可以有效咁降低溫度，唔會有過熱情況出現
等我用黎睇片，打機，睇下Note 12 Pro 5G嘅表現又係點先
喺睇片方面，睇Youtube片整體體驗都非常流暢，就算將影片嘅時間軸跳黎跳去，都無Lag機嘅情況出現。
而播帶有走馬燈嘅新聞片同樣都無問題，走馬燈好順暢，亦都無疾格嘅情況出現。
而打機嗰方面，就算畫面運算比較複雜嘅賽車Game同樣都無問題，一樣都好順暢。
而且我大約玩左30分鐘左右，手機嘅溫度都唔會好高，睇黎12 層石墨片冷卻系統真係起到作用
最後喺相機方面，Note 12 Pro 5G採用左旗鑑級1/1.56吋感光元件IMX766 ， 令到相機鏡頭可攝入更多光線，影出黎嘅相可以更光更亮，夜拍相片質素大大提升。
同時Note 12 Pro 5G亦都有設有最新嘅「小米影像大腦」AI技術，強大嘅AI運算能力，令到相片嘅品質提升，同時亦令到相片生成速度大大提高。
簡單啲黎講，即係手機影相嘅快門速度會因為「小米影像大腦」呢個技術而提升，好快就會生成一張品質高嘅相片出黎，唔洗Hold住部電話Hold咁耐~
Note 12 Pro 5G設有三組鏡頭，分別係5000萬像素嘅主鏡頭，800萬像素嘅超廣角鏡頭，以及200萬像素微距鏡頭。
講左咁耐，相機硬件上嘅配置，現在即刻試下影相嘅效果又係點樣先~
首先係日拍方面，由於拍攝當日係陰天，所以正正就試到Note 12 Pro 5G喺陰天情況下表現係點樣
影出黎嘅相效果相當唔錯，物件嘅細節保留度都幾高，而且相片嘅顏色飽和度、對比度都處理得幾好。
而放大左之後，相片嘅物件虛化程度，雜訊處理對一部中階機黎講，我覺得係收貨有餘啦
等我影多啲相比大家睇睇先~
而夜拍方面，影出黎相片整體亮度好足夠，而細節保留度亦都唔差架啵，同時夜拍相片呈現嘅色彩經過「小米影像大腦」技術運算後，整體都好自然，色彩飽和度、對比度都唔會有太多味精。
同時亦都因為「小米影像大腦」AI技術影響，夜拍嘅快門速度都好快，唔洗Hold住幾秒就影到一張夜拍相出黎，真係好方便架
整體黎講，Note 12 Pro 5G無論係屏幕、性能、影相呢三面嘅表現，都對得住佢中階機嘅定位，性價比都幾高，好適合學生或者想拎黎做副手機嘅人去購買
Note 12 Pro 5G會提供6GB+128GB內存、8GB+128GB內存以及8GB+256GB內存三個版本
顏色方面，就會提供午夜黑、天空藍、極地白呢三種顏色。
而價錢方面，香港暫時無消息，如果一有消息嘅話，我會再拍片通知大家~
有興趣嘅朋友，可以到小米官方網站了解詳情~
希望您鍾意我今次嘅介紹啊，記得Subscript meeeepmore嘅Facebook專頁，同Youtube頻道。同埋Alfred Mak嘅Facebook專頁，今集講住咁多先，ByeBye~
其他集數
【小米13 Ultra 懶人包】小米最新旗鑑機 丨全焦段 Leica 光學四鏡頭 丨 Xiaomi 13 Ultra
【Honor Magic 5 Pro評測】罕見三組高像素鏡頭 丨驚豔的遠攝長焦鏡頭丨 Hornor Magic 5 Pro
【Galaxy A54評測】Sasumg A系列最新成員 丨親民價錢性能兩兼顧 丨Samsung Galaxy A54
【紅米Note 12 Pro 5G評測】中階機性價比之王 相機性能屏幕堪比旗鑑級手機 丨Note 12 Pro 5G
【S23 VS S22 大比拼】兩億像素鏡頭究竟提升幾多? S23 Ultra影相功能真係有咁勁? 丨Samsung S23 Ultra VS S22 Ultra 影相評測
【Nokia T21開箱評測】性能與價格完美的結合 高性價比入門級平學生抵玩Ta板電腦 丨 Nokia T21
【內地漫遊推薦】CSL 1010 86易 每月29蚊即有內地電話號碼 仲有5G上網?
【Honor Magic系列評測】Honor Magic系列超簡易懶人包 丨 首度推出摺機 DXOMARK測試全球第一名旗艦電話 HONOR Magic 5 Pro ,HONOR Magic 5 VS
