播出日期:23/3/2023
又黎到Z世代達人嘅時間啦~ Nokia近日就推出左 Nokia T21 平板電腦，呢款主打性價比嘅平板電腦，究竟係唔係物有所值呢? 今日就同大家一齊睇睇啦~
Nokia T21機身採用左未來科技風格嘅鋁合金機身，機身兩邊都設置左支援OZO技術嘅立體揚聲器，而且T21拎上手比人感覺好硬淨同埋堅固，唔會好似某啲低階平板電腦，搖動嘅時候會有零件撞擊嘅聲音
Nokia T21配備左10.4吋IPS LCD 2K屏幕，設有兩個800萬像素嘅後置同埋前置相機鏡頭，而T21嘅處理核心就會採用Unisoc嘅T612
電池嗰方面，Nokia T21配備左8200mAH鋰電池，支援18W快速充電，同時官方亦宣稱電池嘅續航力更高達3日咁多啊
而Nokia T21有別於其他中低階平板電腦，T21會支援4G雙卡雙待，可以喺街到隨時拎T21出黎上網，同埋打電話都無問題架
講左咁耐硬件上嘅規格，咁Nokia T21實際表現又係點樣呢?
首先係上網嗰方面，Nokia T21 運算網頁速度都幾快，唔洗幾耐就將網頁嘅資料Load出黎，而滑動網頁嘅體驗都算流暢，唔會有Lag機嘅情況出現
睇片嗰方面，首先試下喺Youtube播片，睇睇 Nokia T21表現又係點先。 整體黎講，喺Youtube播片體驗都係流暢嘅，無論係播片定係將影片跳去某一個時間點，都無Lag機情況出現，再配合埋兩側嘅支援OZO技術嘅立體揚聲器，整體嘅體驗係非常好
而播有走馬燈嘅新聞片，T21表現亦都相當唔錯，走馬燈亦都無疾格嘅情況出現。
最後就到左打機嗰方面啦，我就試左唔同嘅遊戲，由比較簡單嘅小遊戲，到比較複雜嘅賽車遊戲亦都試左。Nokia T21喺運作簡單嘅遊戲時，整體運作都流暢，比較小有Lag機嘅情況出現。
但運作複雜嘅賽車遊戲就相對比較吃力，需要調低遊戲畫面嘅配置先可以順暢咁玩啦
整體黎講，無論喺睇片、上網或者打機都好，Nokia T21都表現出對得住佢嘅價位。而且T21仲設有高續航力嘅鋰電池，同埋4G SIM卡嘅上網，所以好適合成日要外出人士，帶出街睇片同上網架~
Nokia T21會提供4GB RAM 128GB 內存空間嘅版本，價錢係HKD$2198，有興趣嘅朋友可以去到Nokia官方網站了解詳情~
希望您鍾意我今次嘅介紹啊，記得Subscript meeeepmore嘅Facebook專頁，同Youtube頻道。同埋Alfred Mak嘅Facebook專頁，今集講住咁多先，ByeBye~
其他集數
【Galaxy A54評測】Sasumg A系列最新成員 丨親民價錢性能兩兼顧 丨Samsung Galaxy A54
【紅米Note 12 Pro 5G評測】中階機性價比之王 相機性能屏幕堪比旗鑑級手機 丨Note 12 Pro 5G
【S23 VS S22 大比拼】兩億像素鏡頭究竟提升幾多? S23 Ultra影相功能真係有咁勁? 丨Samsung S23 Ultra VS S22 Ultra 影相評測
【Nokia T21開箱評測】性能與價格完美的結合 高性價比入門級平學生抵玩Ta板電腦 丨 Nokia T21
【內地漫遊推薦】CSL 1010 86易 每月29蚊即有內地電話號碼 仲有5G上網?
【Honor Magic系列評測】Honor Magic系列超簡易懶人包 丨 首度推出摺機 DXOMARK測試全球第一名旗艦電話 HONOR Magic 5 Pro ,HONOR Magic 5 VS
【XR眼鏡評測】屋企地方細都可以有睇電影嘅感覺丨4米近距離睇130吋大屏幕 TCL Nxtwear S XR眼鏡
【小米13 Pro 搶先評測】小米2023最新旗鑑機 德國Leica鏡頭 丨 超強微距拍攝 浮動遠攝鏡頭 小米 13Pro
