播出日期:26/6/2023

又黎到Z世代達人嘅時間啦~ 近年因為疫情關係，視像會議愈黎愈普及化。而Jabra就推出左專門針對視像會議嘅產品，分別係Jabra Evolve 2 65 Flex 同埋 Jabra Speak2 75，今日我地就一齊開箱呢兩款產品啦~

首先會開箱 Evolve 2 65 Flex呢部耳機，呢款頭戴式耳機外形就比較纖細，耳機嘅重量只有136g，所以拎上手感覺都好輕，相信唔會因為長期配帶而令到頸部有唔舒服嘅情況出現。

今次 Evolve 2 65 Flex主打摺疊功能，旁邊呢兩個鉸位可以令到耳機好輕鬆咁樣摺疊，放入收納包入邊。再配合埋只有136g嘅重量，真係好適合袋住個耳機周圍行，隨時隨地喺邊到開會都無問題架~

Evolve 2 65 Flex配對亦都好簡單，只要長按位於左耳罩嘅按鈕四秒，就會自動進入藍芽配對模式。 

之後只要插入隨耳機贈送嘅藍牙適配器落電腦到，就可以使用

官方仲宣稱耳機嘅續航力可以高達20小時嘅通話時間以及32小時嘅音樂播放時間。

Jabra今次亦都好貼心，會隨耳機贈送無線充電板，只要將耳機嘅左耳罩放落無線充電板到，就可以充電，真係好方便架~

Evolve 2 65 Flex 仲設有ANC 混合式主動降噪功能，只要輕按位於左耳罩呢個按鈕，就可以隨時切換降噪以及側聽模式。

咁究竟Evolve 2 65 Flex 音質表現又會係點呢?

今次我會分別模擬寧靜嘅辦公室同埋比較嘈雜嘅辦公室兩種情況，黎測試Evolve 2 65 Flex音質表現

測試結果可以睇得出Evolve 2 65 Flex喺音質表現都非常唔錯啵~

Evolve 2 65 Flex建議零售價係港幣 2,566，有興趣嘅朋友可以到Jabra嘅官方網站了解詳情~

之後就到Jabra Speak2 75啦，呢件產品係專門為會議而設計，支援雙向會議對話，同時亦都支援媒體串流播放

Jabra Speak2 75成個外形都幾時尚美觀，主要以簡約風格為主，拎上手感覺都唔會太重。

Jabra Speak2 75可以透過 360 度環型燈圈隨時睇到音訊嘅接收狀態，仲支援65mm 全頻功能，令到使用者有極致擬真嘅聽覺體驗。

咁實際上嘅效果又係點呢? 現在就為大家測試一下

實際用落感覺真係唔錯，聲音品質好高，說話入邊每一隻字都聽得好清楚，完全唔會有爆音嘅情況出現，真係好適合開會用架~

Speak2 75 建議售價係港幣$ 2,898，有興趣嘅朋友亦都可以上Jabra嘅官方網站了解詳情

希望您鍾意我今次嘅介紹啊，記得Subscript meeeepmore嘅Facebook專頁，同Youtube頻道。同埋Alfred Mak嘅Facebook專頁，今集講住咁多先，ByeBye~

其他集數

【VIVO Y36評測】高CP值中階手機丨性能價錢兩兼顧丨5000萬像素鏡頭 丨VIVO Y系列 丨 VIVO Y36 5G

【小米Pad6評測】高性價比平板電腦 丨學生平板電腦首選 丨小米平板系列丨 小米Pad6 Xiaomi pad 6

【VIVO V27評測】中階抵玩手機 丨高攝影能力中階手機 丨 夜拍能力極佳 丨柔光環攝影 VIVO V27

播放中

【Evolve2 65 flex Speak 2 75評測】專為開會而設計的產品 丨疑真的聽覺體驗 丨輕巧降噪耳機 丨Jabra Evolve2 65 flex Speak 2 75

【Honor Magic VS評測】開創摺疊式手機新時代 丨超強性能 續航力 丨魯班零齒輪鉸鏈技術丨萊茵摺疊測試 丨Honor Magic VS

【Note 12 Pro+ 5G評測】中階機相機皇者 破格兩億像素主鏡頭 丨重新定義中階機相機規格 Note 12 Pro+ 5G

【Samsung A34評測】2023學生手機首選 丨高性價比三星手機 Samsung Galaxy A34

【Samsung 2023 產品發佈會】AI頂級智能家居SmartThings 丨嶄新屏幕技術 Samsung SmartThings Neo QLED