播出日期:4/2/2025
Samsung Galaxy S25 Ultra 香港試機 ｜ Samsung三星早前已經全球發佈咗 Samsung Galaxy S25系列手機，不過香港發售詳情以及第一手嘅真機試玩呢就一直未有。今日就等小麥麥卓華，同大家率先簡單試吓呢一部新一代嘅機王，Samsung Galaxy S25 Ultra！ GalaxyS25Ultra S25開箱
今日喺手上嘅係一部東南亞版本嘅 S25 Ultra，先睇睇外型，機則全部用咗直角設計，手感有啲厚，不過亦都俾人專業嘅感覺。機面相對iPhone更為四方形，四邊嘅圓角較細，令全面屏效果更明顯。測試嘅時候我就留意到機底有個好似SD卡嘅插口，嘩，唔通插咭回歸？不過問咗工作人員就當然令我失望啦，原來只係喇叭嚟嘅咋！
簡單試過睇網頁同睇片，效果非常順暢，就算將手機模式由打直轉為打橫，畫面都冇窒，而且亦相當高清。
一向賣鏡頭靚嘅Galaxy Ultra系列，今次配備嘅二億像素鏡頭又交唔交到功課呢？我哋由遠處以主鏡唔變焦咁影埋去，再放大張相睇一睇，可以見到牆身嘅字依然非常紮實，並冇鬆郁矇嘅情況。呢部機嘅後置鏡，除咗頭先提過嘅2億像素廣角主鏡頭外，亦同時配置5千萬像素嘅超廣角、同埋兩個分別係5千萬同1千萬像素嘅遠攝鏡頭。前置鏡頭都有千二萬像素個喎。雖然呢部機最高只支援五倍嘅光學變焦，不過透過裁剪及智能技術，可以提供10倍光學品質嘅變焦，又或者我哋會叫無損變焦。
而呢部機亦大力推廣AI嘅功能，我就試咗關於相片嘅兩項AI。頭先影呢張相嘅時候，我就冇留意到有個工作人員喺旁邊，唔緊要，就試吓用AI卒走佢先！較啱模式，撳個掣，經過幾秒嘅計算就完成！成個人拎走咗，背景又點呢？睇埋張生成圖！ 唔講你都未必知道張相做過手腳呀！
跟住又等我試吓，喺呢個展示位上面加個鐘先！唔知係咪我畫得唔好呢，點解好似變咗第二樣嘢咁嘅？唔緊要，其實較早前我都試過喺另一張相畫粒車厘子，出嚟效果都幾似㗎！
快手喺設定撳吓，發現我手上呢部東南亞版本嘅 S25 Ultra係可以用ESim嘅！ 不過究竟香港版本得唔得呢？就要睇吓最終發佈成點喇！
時間有限，今日就試住咁多先，當香港版嘅試機到手之後，等我再詳細同大家試玩啦！
#S25Ultra #Z世代達人 #麥卓華
其他集數
Samsung Galaxy S25 Ultra 香港上手試！ 2億像素鏡頭掂唔掂？ Galaxy AI 有幾好？ 仲有一個小發現！
【HUAWEI MatePad Pro 12.2" 開箱 | Z世代達人】旗艦級平板 一秒變筆電 靚Mon 輕簿 高貴之選
Z世代達人 - 全新小米旗艦手機 Xiaomi 14T Pro 初評！ Leica加持、造功靚、性價比高之選！
Redmi Pad Pro 開箱 - 挑戰大Mon iPad Pro平板地位！
POCO F6 Pro 開箱 高性價比旗艦配置電競手機
Linksys Velop Pro 7開箱 WIFI 7 MESH 路由器登場！
【HUAWEI MatePad 11 PaperMatte 開箱評測】11吋全面柔光屏幕
【小米13T評測】Leica相機鏡頭 丨144HZ屏幕刷新率 丨IP68防塵防水功能 丨小米13T系列 丨小米13T
