播出日期:17/2/2025
早前 Honor 榮耀 趁住佢哋位於元朗形點嘅體驗店開幕，同日發佈咗兩部新機 - Honor X9C Smart 同埋 Honor 200 Smart。兩款手機都係入門嘅性價比手機，我哋今日就同大家介紹吓 Honor X9C Smart！
作為早前發佈嘅 Honor X9C 嘅同系較低階機種，Honor X9C Smart同樣秉承咗抗跌防爆抗刮嘅技術，亦獲得咗瑞士SGS全機五星綜合可靠度認證。處理器方面用上咗 MediaTek Dimensity 7025-Ultra 八核心處理器，配合 6.8寸 TFT LCD屏幕，用嚟上網、睇片 又或者串流視頻都無問題，而設計方面重量只有193克，流線型嘅設計令到手感相當舒適，拎上手亦感覺到手機相當之薄。
雖然係入門機，不過相機就一啲都唔失禮。配備咗一個 1億8百萬像素嘅主鏡頭，以及一個500萬像素嘅廣角鏡頭。 主鏡配合9合1像素同埋裁切技術，支援三倍無損變焦，我就拎呢部機影咗幾張室外嘅相片，我哋睇埋三倍變焦嘅效果喇！ 另外，配合AI嘅技術，喺低光環境之下嘅拍攝亦相當唔錯！
Honor X9C Smart 配備咗一個1600萬像素開孔色前置鏡頭，不過呢個開孔喺日常操作上面就可以變成類似iPhone 動態島嘅靈動膠囊，方便同清楚接收關鍵提示訊息。
講到AI嘅技術，Honor X9C Smart亦支援AI圖片移除功能，又等我試吓先！ 效果都相當滿意㗎！
Honor X9C Smart支援防撥防濺水，不過要留意嘅係手機並唔係專業防水，同一般有通過IP認證嘅有少少唔同，所以最好都唔好起有機會濕水嘅情況之下使用喇！不過由於支援濕手操作，當畫面有少少水滴，或者手指唔係乾透嘅情況下使用，都唔會有問題！
呢部機支援 5G 雙Nano Sim嘅雙卡雙待功能，不過就唔支援eSIM同埋未支援Wi-Fi 6，5800mAh 電量 支援35W 有線快充，電力足夠超過一日一般使用。
Honor X9C Smart 將會於2月19號開始發售，有海湖青同埋典雅黑兩隻顏色，12GB Ram + 256GB 內存 建議零售價係 HK$2299。官方渠道購買仲會有藍牙耳機送㗎！
其他集數
【Oppo Find N5 開箱 】全球最薄摺機有幾勁？頂級配置 + 相機級拍攝 +與Mac機無縫互通，攝機世一？
Leica加持 小米15 Ultra 相機旗艦新標準！2億像素遠攝 相機模組極級享受
HonorX9C Smart 開箱 | 高端入門新標準 1億800萬像素鏡頭 AI一樣掂！
Xiaomi POCO X7 香港開箱試！ 千元中階旗艦接近頂級規格 五千萬像素夜拍質素又得唔得？
Samsung Galaxy S25 Ultra 香港上手試！ 2億像素鏡頭掂唔掂？ Galaxy AI 有幾好？ 仲有一個小發現！
【HUAWEI MatePad Pro 12.2" 開箱 | Z世代達人】旗艦級平板 一秒變筆電 靚Mon 輕簿 高貴之選
Z世代達人 - 全新小米旗艦手機 Xiaomi 14T Pro 初評！ Leica加持、造功靚、性價比高之選！
Redmi Pad Pro 開箱 - 挑戰大Mon iPad Pro平板地位！
