播出日期:11/2/2025
走品味同性價比路線嘅POCO，喺今次嘅X7系列都繼續沿用呢個風格。今次亦破格用上咗 3D曲面屏幕，令部機睇落去更加高貴，手感亦都更加貼服。1.5K、6.67寸嘅AMOLED屏幕支援最高120Hz嘅更新率，手機配備咗 4nm MediaTek Dimensity 7300-Ultra 中階旗艦嘅性價比處理器，試過睇一般嘅網頁、甚至串流影片，絕對冇問題，而且手機嘅反應亦相當快！
雖然係一部港幣千零蚊價位嘅手機，不過影相嘅效果就一啲都唔簡單。後置主鏡配備咗三個包括 5000萬像素、支援光學防手震嘅主鏡、800萬像素嘅超廣角鏡同埋200萬像素嘅微距鏡頭，其中主鏡頭採用 Sony IMX882 感應器同埋大光圈，顯著提升低光條件之下嘅影相品質。
另外POCO X7 亦有一個前置2000萬像素嘅自拍鏡頭，拍片方面，亦支援OIS + EIS 4K 60fps嘅拍片功能㗎！
行動最實際，等我試吓相先！首先來一張正常嘅街景，反應快，顏色亦可接受，放大睇睇，細節位都過關！ 試埋夜景先！用內置嘅夜景模式，喺唔變焦嘅情況之下影出嚟嘅相，亮度都算唔錯，而且放大睇亦算紮實，中高階機嚟講，合格有餘喇！
試埋上網嘅表現，插咗一張無限速嘅5G Sim卡落部機，俾大家參考一下5G上網嘅速度，另外提一提嘅係，呢部機支援Wi-Fi6上網，機身亦有紅外線發射器，當萬能遙控用都得㗎！ 而睇返設定部份，POCO X7 除咗支援兩張 NanoSim卡外，亦支援加入eSIM作為Sim2 用，對於有唔止一張副卡，又或者有幾張外遊卡嘅朋友嚟講，就相當方便喇！
呢部機另一個賣點係支援 IP68 防水防塵功能，記得喺早年防水功能都只限於高階手機，而且仲支援濕手觸控螢幕功能，就算屏幕上有水、油漬或者泡沫，都可以精準控制手機。
POCO X7 支援 45W 極速快充，零售版亦都包埋專用嘅快充火牛。官方表示，5110mAh 嘅電量 除咗可以無間斷使用15小時之外，可以以短至52分鐘嘅時間，將手機電力充滿！不過可惜嘅係唔支援無線充電功能。
POCO X7除咗我手上面嘅呢部綠色之外，今次亦同時推出POCO黑色同埋銀色共3個選擇，8GB + 256GB 售價係 $1699，而 12GB + 512GB 售價係 $1999，24/2 前訂購仲有額外贈品同優惠。
其他集數
【Oppo Find N5 開箱 】全球最薄摺機有幾勁？頂級配置 + 相機級拍攝 +與Mac機無縫互通，攝機世一？
Leica加持 小米15 Ultra 相機旗艦新標準！2億像素遠攝 相機模組極級享受
HonorX9C Smart 開箱 | 高端入門新標準 1億800萬像素鏡頭 AI一樣掂！
Xiaomi POCO X7 香港開箱試！ 千元中階旗艦接近頂級規格 五千萬像素夜拍質素又得唔得？
Samsung Galaxy S25 Ultra 香港上手試！ 2億像素鏡頭掂唔掂？ Galaxy AI 有幾好？ 仲有一個小發現！
【HUAWEI MatePad Pro 12.2" 開箱 | Z世代達人】旗艦級平板 一秒變筆電 靚Mon 輕簿 高貴之選
Z世代達人 - 全新小米旗艦手機 Xiaomi 14T Pro 初評！ Leica加持、造功靚、性價比高之選！
Redmi Pad Pro 開箱 - 挑戰大Mon iPad Pro平板地位！
