播出日期:13/7/2018
最新嘅科技資料、潮流玩意，都有《Z世代達人》麥卓華到處搜羅送到你面前！
日常生活上面，大家都機不離手。智能手機原來方便咗日常嘅通訊同上網之外，健康嘅功能亦都非常普遍。你又有無諗過你部手機嘅健康功能，可以幫你做埋善事呢？
易賞錢最近推出嘅計劃Walk for Charity。只要由宜家到2018年8月12日，每日行夠8000步，易賞錢就會捐出50分俾一個你指定嘅慈善團體。
只要你登入易賞錢嘅手機應用程式，揀番Walk for Charity 嘅選項，之後點選「連結Health App啟動步數記錄」，再選擇你想捐贈嘅慈善機構。如果係用緊iphone，之後就要做多個步驟，就係要畀返Money back應用程式去讀取手機入邊每日嘅步行數目。
快D同我一齊「一路行，一路做善事」啦！
《Z世代達人》
主持：麥卓華
