播出日期:25/7/2018
最新嘅科技資料、潮流玩意，都有《Z世代達人》麥卓華到處搜羅送到你面前！
最近台北多個捷運站都出現咗一部自動售賣機，原來係由台北一晶知名蛋糕店研發嘅「YTM蛋糕提領站」。呢部機提供咗即場購買同埋網絡訂購提取嘅服務，佢地主打「3分鐘買到蛋糕」，夠晒方便！
同一般嘅售賣機差唔多，按開始購買，之後畫面就有得選擇「購買」、「網路取貨」、以及「隨享卡提領 / 兌換」，因為根據官網所講，除咗可以即場買之外，如果你已經喺 Internet買咗，其實可以在呢一度提貨。
而強糕亦有3個味道，分別係原味、北海道芝士同埋哈密瓜味，完成付款之後，就可以喺螢幕度睇住個蛋糕喺雪櫃送出嚟，而且呢間蛋糕店仲好有心思，拎到個蛋糕之後，可以去部機旁邊嘅包裝區，將面頭嘅透明包裝紙拆開，就可以拎個保冷袋出來，咁就可以拎住搭車都唔怕麻煩啦！
呢部機都好受歡迎，喺繁忙嘅捷運站，都會見到有人排隊架！另外頭先都提過，除咗即場購買之外，亦都可以透過佢哋嘅手機應用程式訂購蛋糕，最快2小時後就可以在你指定嘅捷運站提取！咁方便嘅服務，香港唔知幾時會有呢？
《Z世代達人》
麥卓華
