播出日期:29/6/2018
最新嘅科技資料、潮流玩意，都有《Z世代達人》麥卓華到處搜羅送到你面前！
八達通近年推出服務O!ePay，方便八達通龐大嘅用戶群小額轉賬同埋購物，更加可以幫其他八達通卡增值。早前八達通就破天荒同網上支付品牌PayPal合作，用戶可以用O!ePay手機應用程式，幫你嘅PayPal戶口增值。
呢個服務主要係針對平時因爲安全問題，唔鍾意用信用卡但又想喺網上用PayPal買嘢嘅朋友，可以用現金直接喺便利店增值O!ePay戶口、又或者通過八達通加錢入O!ePay，再幫PayPal增值。
如果想用八達通卡幫O!ePay增值又點呢？首先你張卡當然要夠錢又或者有自動增值功能啦，之後，打開八達通App，揀O!ePay，再選擇轉入，揀八達通卡轉入，之後嘟埋你張卡就OK喇！
到過錢落PayPal喇。其實步驟好簡單，喺八達通App入面，只要揀O!ePay、再選擇轉出、再揀PayPal，如果係第一次用，你就要輸入PayPal既登入資料，搞掂晒！之後你就可以用你嘅PayPal帳戶喺網上買嘢，簡單又安全，就算你有幾唔放心網上買嘢，以後都無籍口啦！
另外，2018年7月31日前，頭5000位用戶用呢個方法增值Paypal HK$200 或以上，仲有HK$50 嘅回贈！相當於八折買嘢！
透過呢個方法幫PayPal增值，都會用港幣計算。如果你想買嘅嘢以美金或者其他貨幣作結算，你俾錢嘅時候，就會以PayPal當時嘅匯率計算！
《Z世代達人》
主持：麥卓華
