播出日期:29/5/2019

台北 Computex 電腦展係一年一度嘅電腦界嘅盛事，好多新產品同埋新概念都會喺呢一個展覽會入面發佈。今年有啲咩新產品新概念？我哋宜家即刻同大家睇下！

同往年一樣、其中一個最受歡迎嘅展區就係大品牌林立嘅電腦硬件喇。行咗個圈見到華碩嘅攤位人頭湧湧，原來係為咗一睹啱啱發佈嘅手提電腦 Zenbook Pro Duo 嘅風采。

呢部 Zenbook Pro Duo 最特別嘅地方，就係除咗主屏幕之外，Keyboard 嘅上方仲有個長型嘅屏幕，而平時用開嘅 Touch Pad 搬到 Keyboard 旁邊。

先講下呢兩個 Mon，我哋可以視下面那個 Windows 嘅額外屏幕，用法就好似平時操作多螢幕嘅 Windows 咁、Drag 個視窗過去就 OK。
當然啦，除咗呢個 Windows 內置嘅多螢幕功能之外，華碩都有自家嘅按鈕同埋畫面嘅選項可以俾唔同嘅視窗喺兩個 Mon 之間切換。

玩就好好玩喇、咁有啲乜野實際用途呢？原來呢個設計係主要針對剪片、對稿又或者要成日喺唔同程式之間切換做嘢嘅朋友而設，
示範嘅片段仲有個將下面 Mon 變成琴鍵、上面就用嚟顯示樂譜嘅用法，實唔實用就見人見智，不過設計同外觀就一定攞足分啦！

Zenbook Pro Duo 分為14寸同埋15寸兩型號，而15寸嘅型號嘅 Touch Pad 位仲可以作為數字鍵用，我試過仲有回彈效果，又幾細心喎！

而另一個系列嘅手提電腦 Vivobook 就主打新一代嘅彩色 Touch Pad。呢個 Touch pad 除咗可以作為 Mouse 之外，亦都可以變成常用程式嘅快捷鍵，而且亦都可以透過設定，將程式放喺呢個 Touch pad 入面運作，變成一個額外嘅小視窗，有時有張電子 Notes 想對住入番料、又或者想喺 Touch pad 偷雞睇吓片都得啦！只要㩒一個掣，Touch pad 又變番一個普通嘅滑鼠操控。

《Z世代達人》
麥卓華

其他集數

[2019] 教你點兌 滙豐獎賞錢 到 亞洲萬里通 Asiamiles 最著數！多做一個動作，多25%里數！ (附完整教學)

碳纖維 G-SHOCK Gravity Master GWR-B1000 開箱 + 功能一手試！

Computex 2019 中華電信 5G / Avita 全新 Admiror 筆電 上手玩！

播放中

Computex2019 台北直擊！華碩 Asus Zenbook ProDuo 大細 Mon 筆電上手玩！

Apple iPhone CarPlay 好唔好用？

防不勝防！開乜 App 去邊食飯樣樣都有紀錄？ 教你即 Check 自己有乜資料被 Google 收集了！

用朋友電腦登入自己Gmail 點先可以保障私隱？

一部手機 登入匯豐商業理財！