播出日期:28/6/2019

早前同大家介紹過 WhatsApp Business 喺 iPhone 上面行兩個唔同號碼 WhatsApp 嘅方法。收到有網友問有關於喺 Android 手機用兩個 WhatsApp 嘅方法。今日就同大家睇下

如果你用緊 Samsung 嘅 Android 手機，你只要去到 「設定」、「進階功能」、「Dual Messenger」，你就會見到包括 WhatsApp 在內，支援兩個程式同時開啟嘅社交及即時通訊程式，你只要好似我咁打開 WhatsApp 旁邊嘅選項，之後確認同埋等一陣，另一個 WhatsApp 就安裝好，你會見到右下角會多咗個符號識別佢係另一個 WhatsApp，
你只要開啟呢個 WhatsApp，按正常嘅程序啟動另一個電話號碼就可以喇。

提提你喇，如果你用兩個 WhatsApp 嘅聯絡人係唔同，你可以揀埋 Dual Messenger 下面嘅「使用獨立聯絡人清單」，咁樣所有第二套 Messenger、包括呢個額外嘅 WhatsApp，都會用呢一個 Contact list 喇！

如果你係用緊小米同埋紅米手機，佢地都一樣有類似嘅功能！你可以去到「設定」、「應用雙開」、之後搵番 WhatsApp 再啟動同確認就搞掂！你只要開啟呢個 WhatsApp，按番正常嘅程序啟動另一個話號碼就搞掂喇。

如果你用緊其他牌子嘅手機，其實都可以透過下載「雙開」軟件去做到兩個 WhatsApp 嘅效果。
你可以試下「平行空間」又或者「雙開空間」如果只需要雙開即時通訊軟件同埋社交應用程式，只要揀「精簡版」就可以喇。裝好之後只要按指示，揀番要雙開 WhatsApp，安裝程式就可以啟動！

不過留意呢類第三方軟件，唔係手機功應商提供，可能會無咁穩定，亦都機會出現廣告。

《Z世代達人》
麥卓華

其他集數

Microsoft Word都有網上版！零走位 Office365 好用推介！

Samsung 手機 安全資料夾 大有來頭？ 一機三 WhatsApp 不是夢！

Visa 都出 QR Code 支付？

播放中

雙卡雙 WhatsApp 3分鐘搞掂！Android 篇 [2019]

iPhone 終於用到八達通了！一片話你知推出時間及邊部機用到！

ConnecTechAsia 2019 - 南韓 KT 5G 睇真啲！

唔駛Root機！3分鐘搞掂！一部 iPhone 同時行兩個 WhatsApp 終極版

話你知 iphone 超好用隱藏功能2019！ iphone XS iphone XI