播出日期:12/7/2019
有時喺街上冇電腦，但係突然又需要喺文書處理程式 Word 或者試算表 Excel 打吓文件，街上面又或者附近朋友嘅電腦又只可以上網但係無裝 Microsoft Office，咁可以點？
如果你用嘅係 Office365，呢個問題就好容易解決喇！所有Office365月費客戶其實除咗可以喺5部裝置上面同時使用電腦版嘅程式之外，其實亦都包咗網上版本嘅全面服務。點用呢？ 只要你去到 www.office.com，之後以你嘅訂購用戶電郵登入，跟住就會見到Office應用程式嘅畫面。好似我咁可以揀 Word，之後揀番「New Blank Document」，跟住就會見到熟悉嘅操作介面喇。
提提大家喇，如果你有選項揾唔到，可能係因為 Office 預設咗簡單嘅操作介面，你可以喺瀏器視窗頂部呢個位熄番「簡化功能區」咁就OK！ 你睇下，大部份喺一般Word搵到嘅功能都一樣可以喺網上版本搵到！另外，由於個File係直接Save 喺 Office365 包咗嘅 1TB OneDrive 空間入面，其實都幾方便！做完，就算你係用緊 Gmail 都可以 Send 條 OneDrive Link 俾朋友，Share番呢個檔案！
如果你喺電郵收到個File又想改咁又點呢？如果手機有安裝手機版嘅Word，本身都可以開嚟改嘢，但係好多時反而有對位、走位嘅問題，所以我通常都會 Upload 個 File 去 OneDrive，之後用頭先教大家嘅方式，喺街度搵個電腦登入，之後揀番同一個File，就可以開出嚟更新之後儲存，真係好方便！
除咗Word之外，仲有網上版嘅 Excel 同埋 Powerpoint 等等，都一樣有完整嘅桌面功能，對於成日要走嚟走去又無固定電腦用嘅朋友嚟講，以後又多一個選擇喇！
《Z世代達人》
麥卓華
![雙卡雙 WhatsApp 3分鐘搞掂！Android 篇 [2019]](https://i1.ytimg.com/vi/5qaZS5nNQ8o/mqdefault.jpg)
