生活部落格

播出日期:10/8/2020

想增強免疫力及增強抵抗力,又想瘦身,仲要皮膚靚?今日介紹呢款西式健康湯水 蕃茄濃湯 tomato soup 就最適合喇! 健康神湯 蕃茄湯 抗氧化 西椒食譜 

唔好以為西式湯水一定唔健康同難整,今日就同大家介紹呢款「蕃茄濃湯」既可以增強免疫力,亦可以作為輕食瘦身,而且材料簡單,一齊睇下! 番茄浓汤 減肥食譜

蕃茄   3 - 4 個
紅、橙或黃色西椒   2 個
洋蔥   1 個
蒜頭   3 - 4 細份
淡忌廉   100 ml

蕃茄同埋西椒都係營養豐富嘅食材,蕃茄含有豐富嘅維他命C,茄紅素嘅抗氧化物有助保持心臟健康。我哋首先將蕃茄洗淨,之後好似我咁切細粒,待用。

西椒一樣有豐富嘅維他命C,增強免疫力,當中紅椒含有豐富嘅抗氧化劑,有助抗衰老甚至抗癌,亦有助維持眼睛健康。我哋洗乾淨左西椒嘅表面之後,切開再用水沖走入面嘅籽,之後亦都係切細粒,待用。

相信大家都知道洋蔥係健康嘅食材,一樣可以提昇免疫力,我哋將洋蔥去皮之後再切細粒就可以喇。蒜頭就用刀背拍扁,之後除去蒜衣,再切成蓉。

跟住可以用易潔鑊,落幾滴油以中火將蒜蓉爆香,跟住稍為將火收細少少,落洋蔥同西椒炒大約2-3分鐘,之後再落埋蕃茄,再炒2-3分鐘後,慢慢加入清水,份量可按個人喜好而定,轉中大火,以滾水計大約煲5-7分鐘,待材料都變軟,就可以收細火,加入1茶匙雞粉,之後再加入淡忌廉,攪勻,就可以熄火。

跟住就用手提攪拌棒,放入湯裡面攪拌,直到材料都融到湯入面,之後就可以上檯飲得喇!

追蹤我們
公司殊榮
Copyright Claims
Copyright Claims