播出日期:7/12/2020
蛋撻絕對係香港嘅地道美食,你又有無諗過,原來喺屋企一樣可以食到新鮮出爐嘅蛋撻呢?今日就同大家睇下!
首先睇睇蛋撻皮需要嘅材料:
無鹽牛油 65 克
砂糖 25 克
雞蛋 半 隻
低筋麵粉 110 克
少少鹽
而蛋漿就需要:
熱水 100 毫升
砂糖 50 克
鮮奶 40 克
雞蛋 1隻半-2隻
我哋首先將無鹽牛油室溫放軟,加入砂糖之後用打蛋機打勻。再打散一隻雞蛋,倒一半落去打勻。然後就可以將低筋麵粉過篩拌入去,加入鹽後繼續打勻。完成步驟後,將麵糰放入雪櫃大約30-40分鐘。
依個時候,我哋就可以準備蛋漿。先用100毫升嘅熱水溶解砂糖,倒入奶同雞蛋,慢慢攪拌成蛋漿。
之後將雪好嘅麵糰拎返出嚟分成六份,放入蛋撻模後用拇指按壓,因為麵糰有油同埋彈性,要壓多幾下先可以定倒型。再倒入蛋漿至9成半滿。預先將焗爐預熱到200度之後,將蛋撻放入焗爐中層焗大約25分鐘。當見到蛋撻皮焗至金黃,蛋漿微微脹起之後,就代表完成喇!
出爐嘅蛋撻梗係要熱辣辣食先得啦,而家我就即刻試一試先!希望唔好太甜啦!好食呀!個餡唔算好甜,但好香好香蛋撻味,頭先只係用咗個半鐘頭時間就可以做好呢個蛋撻喇!你都可以試吓㗎!
其他集數
油炸鬼都可以自家製!零失敗自製油條 熱辣辣 脆卜卜 | Fried Bread Stick
[湯水食譜]粟米鬚湯 生津解渴 清熱祛濕消水腫!
[聖誕禮物2020] 仿真指壓按摩不求人!韓國mediness「四手神肩」shiatsu指壓肩頸按摩器 | 迷你雪櫃汽水機 懶人恩物!
【蛋撻食譜】屋企簡單整新鮮出爐蛋撻!零失敗 個半鐘有得食!
北海道雷電蜜瓜試食! 教你點揀蜜瓜先夠甜?仲有抵食好介紹!
氣炸鍋麵包系列 - 甜餐包 親子活動最啱!10分鐘內搓好!健康鬆軟又美味
羽衣甘藍果汁 - 教你整2020新一代排毒果汁!降血壓天然恩物
中秋傳統月餅 Step by Step 簡單易做零失敗!