播出日期:2/3/2018
最新嘅科技資料、潮流玩意，都有《Z世代達人》麥卓華到處搜羅送到你面前！
用開 iphone 嘅朋友對於Apple Pay應該唔會陌生，而用Android手機嘅用戶，就有對應嘅Android Pay。不過，近來Android Pay就有更新，更新左之後連名都改埋叫 Google Pay。咁 Google Pay究竟同Android Pay有乜唔同呢？
當更新左Android Pay做 Google Pay後，付款功能基本上無大改變。加入信用卡嘅方式亦一樣。之前收開Android Pay嘅地方亦可接受Google Pay 付款。反而你見到 Google Pay個介面最吸晴嘅係可以加入唔同商戶嘅會員卡同優惠卡。點做？等我試下先。譬如我想加我張百佳易賞錢卡，咁我就揀番百佳，之後就會提示你Scan張實體卡個barcode，咁呢張卡就已經加左入Google Pay嘅錢包入面，一部手機一個App就搞掂晒成個付款過程，唔駛喺唔同App之間撳來撳去。
除咗百佳，會員卡功能亦支援萬寧、屈臣氏、759阿信屋同埋好多唔同嘅大型商戶會員計劃。另外，有消息指呢個App會在不久將來在香港支援P2P付款功能，係唔係就要拭目以待了。
《Z世代達人》
主持：麥卓華
