播出日期:16/2/2018
最新嘅科技資料、潮流玩意，都有《Z世代達人》麥卓華到處搜羅送到你面前！
派利是都要電子化，今日就同大家睇下市場上派電子利是既App有乜野選擇。
首先講下呢個市場既老大哥，WeChat。其實WeChat派利是在香港已經來到第三個年頭，在內地就更加歷史悠久啦。只要你已經開通香港版本嘅電子錢包，就可以喺平時即時通訊嘅介面入面揀利是嘅選項，之後選擇要派嘅金額同埋寫低你嘅祝福語，再按「塞錢入利是封」， WeChat就會同你確認之後就會送出呢封利是啦。對方亦會馬上收到通知，當佢按入呢個通知就會見到一個利是封，按「拆利是」嘅選項佢就會見到封利是嘅銀碼同埋你嘅祝福語，而金額亦都會自動存入佢嘅WeChat錢包入邊啊。
如果你想試新野，今年加入戰場嘅，仲有PayMe同埋八達通。 首先講吓PayMe，本身設計比較簡單，沿用番付款嘅介面，不過當你選擇係利是主題嘅時候，背景就會轉成一個利是封嘅模樣，之後就可以發出利是喇。
我自己就鍾意八達通入面派利是既巧能喇。用法方面同頭先兩個大同小異，都係揀咗派利是嘅選項之後，輸入銀碼同埋祝福語加個貼紙就可以發出利是俾你應用程式入邊嘅好友。最特別嘅係佢有逗利市功能，你可以透過呢個功能向你嘅長輩或者朋友拜年，順便叫佢封利是比你，算係咁多個app入邊最有創意嘅一個啦。
不過由於PayMe同八達通兩個應用程式都冇即時通訊功能，所以你都要係入邊選擇加朋友先可以派利是比佢哋，如果冇用開呢兩個應用程式嘅朋友就會比較麻煩。你問我，有利是收就得啦！收封實體利是唔係更開心嗎？
《Z世代達人》
主持：麥卓華
