播出日期:29/10/2018
WhatsApp嘅貼紙功能一直只聞樓梯響，其他對手好似Line同Messenger都引入咗好一段時間，當大家以為唔會有機會在WhatsApp平台用到貼紙嘅時候，佢哋於2018年10月28日突然正式推出，我哋宜家就睇下點用！
首先你要去App Store或者 Google Play更新WhatsApp應用程式，如果你用緊iPhone，當你要輸入訊息嘅時候，輸入位嘅右面會多咗個貼圖嘅圖示，你按一下呢個圖示，之後就會見到WhatsApp幫你預載嘅貼圖。你可以先睇下有乜貼圖，之後再按一下個貼圖，就會自動Send咗出去。
款式唔夠用？唔緊要，你只要按一下貼圖位右上角嘅加號、之後你就會見到好多唔同嘅貼圖，只要按想要嘅貼紙旁邊嘅下箭嘴，之後就可以拎到。要Send出去？去頭先Send貼圖嘅位，在上面就會多咗頭先多咗嘅貼圖組，按一下就會見到晒！
如果你用緊Android手機，要Send貼紙嘅方式其實差唔多，只要去平時Send Emoji嘅位，再在下面按呢個貼圖嘅標示，就可以見到預載嘅貼紙。要下載新嘅就同iPhone一樣，按右上角嘅加號、揀好貼圖之後再按右面嘅下載箭嘴就可以喇！
《Z世代達人》
麥卓華
