播出日期:6/11/2018
之前收到好多用Android嘅朋友仔問，點解佢哋更新到最新嘅Whatsapp之後，都係用唔到貼圖功能。有傳要用Beta版本先得，又有人話要某個Android版本先用到。不過今日等我Z世代達人話你知，其實你只要用緊 Android 2.3.3 以上，再跟我今日教你嘅方式就用到！
首先，我建議大家要Backup番你嘅 Whatsapp資料，點做？ 在現有嘅Whatsapp入面去設定、對話、對話備份就得！ 今日我搵咗一部行緊Android 6嘅陳年舊機，入面已經安裝咗最新嘅Whatsapp，但都係無貼圖功能，即係應該同大家嘅情況一樣。原來你只要打開瀏覽器，輸入網址 whatsapp.com，之後再拉落去最底揀 Android，留意，係揀 Android唔係揀 Download！之後就見到一個下載Whatsapp APK檔嘅畫面！ 睇多次呢個係Whatsapp嘅官網，問題應該唔大，咁就可以開始下載同埋安裝！ 如果你之前無安裝過APK，你嘅收機可能會提示你要先開啟「安裝來源不明程式」嘅授權，之後就可以正式裝喇！
裝好之後，開番個Whatsapp，你睇！只要去 Emoji個位，下面就有貼圖嘅選項喇！希望你鍾意今日嘅介紹啦！
《Z世代達人》
麥卓華
