播出日期:11/1/2019
早前因為轉數快出現保安問題，在電子錢包入面嘅銀行戶口直接轉賑功能一直停用至今，好多朋友以為代表住唔可以由銀行直接轉數到電子錢包，好唔方便。但其實透過轉數快轉錢去電子錢包呢個功能其實一實存在同用得，究竟係點？ 今日就同大家介紹下。
其實每個電子錢包嘅帳戶都有一個支付系統識別碼，又或者可以透過電話號碼都可以由你嘅銀行戶口轉錢去電子錢包。今日就用八達通同埋微信支付做個例子。
首先講下八達通，其實你可以在你嘅銀行網上理財過錢去八達通App。點做？打開八達通App，在OEPay個ICON下面見到呢組數字，其實就係你嘅OEPay戶口號碼，你只要記低呢個號碼，再到你用緊嘅銀行網上理財，揀番轉賬，再揀自己輸入戶口號碼，銀行/錢包一項揀949八達通，之後入番頭先那組號碼 (括號入面號碼照入)，入埋銀碼，確認後就馬上在八達通那邊收到錢喇！
WeChat方面，你要首先登記你嘅FPS轉數快，點做？去「WeChat Pay」嘅選項、「登記轉數快賬戶」、「登記我的轉數快賬戶」、輸入密碼、之後你就可以在呢到入番你嘅登記電話同埋係唔係用WeChat來做預設收款，而我就只登記電話號碼，唔用WeChat做預設戶口。之後如果我要過錢去WeChat電子錢包，亦只需要登入網上理財、去到轉賬功能，入番我嘅手機以及揀番係WeChat Pay，咁好快就可以增值自己嘅電子錢包！
Z世代達人
麥卓華
