播出日期:25/1/2019
之前在我們節目入面呢，都有同大家介紹過不同的漫遊SIM卡，或者當地的數據計劃，不過其實原來在美國Google已經推出咗Google FI嘅手機上台計劃，而呢一個計劃嘅好處呢就係在全球好多唔同嘅地方，只要你用到佢哋嘅數據，都可以逐GB同你計，而月費亦都唔算貴，究竟點樣用呢？我哋今日一齊同大家開箱！
今次在我手上面嘅，分別係一張Google Fi 主卡同埋一張Google Fi Data SIM。兩套SIM卡都包裝精美，完勝香港上台就咁俾張SIM你拎走。打開包裝之後，除咗見到右面嘅Sim卡之外，隨包裝附送咗Sim卡針，包裝封套入面就係一系列嘅設定介紹單張。
等我哋試用下個服務先。呢張SIM卡嘅原屬地其實在美國，不過由於佢入面嘅數據可在世界各地使用，所以今次我在新加坡都一樣可以用到服務計劃內嘅數據。我就做咗個測速，連接去新加坡嘅測速伺服器，下載同上載分別有每秒接近40同25mb嘅速度，而連接去香港嘅測速伺服器，上下載都有每秒十幾mb，都算唔錯，不過要留意，由於張SIM原屬地在美國，所以拎到嘅會係美國IP，對於一啲要個別地區先睇到嘅影音服務，可能就會入唔到，不過如果係用來Whatsapp、睇下Facebook同埋Youtube，就夠用有餘喇。
要管理呢個Google Fi服務，有一個專屬嘅手機應用程式。入面好清楚睇到即時同埋過去嘅使用量，以及現時帳單結欠，功能上其實同我哋香港嘅自由鳥手機應用程式差唔多。收費方面，第一條線每月收費$20美金，包括美國當地嘅SMS同電話通話，數據方面，無論在任何地方使用，每GB都只收US$10，用幾多俾幾多，每月用到6GB後就唔會再收錢… 不過到咗15GB之後，就會限速，同香港好多月費計劃相似。另外開多張Data Sim共用數據仲不另收費！
你可能會話，如果出來做旅行SIM就會因為那US$20月費變咗唔抵，不過Google Fi服務都好貼心，你可以隨時透過手機應用程式暫停你SIM卡嘅服務，到用的時間先打開，變相變成日費US$0.66 再加你嘅數據使用量，咁計唔知又會唔會覺得抵啲呢？
Z世代達人
麥卓華
