播出日期:22/3/2019
背囊款式可以突顯一個人嘅個性，不過今時今日嘅背囊就直情可以將你嘅心底話都講埋出嚟。咁究竟除咗要來帶出街之外， Z世代嘅背囊仲有啲乜嘢功能呢？
今日要介紹嘅就係呢個 PIX Backpack喇。佢除咗係一個普通嘅背囊之外，後面仲係一個LED屏幕，隨時可以顯示唔同嘅圖案同埋資訊，咁點玩法呢？
首先我哋將行動電源插落呢個背囊入面，之後去App Store下載返佢嘅專屬應用程式，開埋藍牙就可以將PIX Backpack連接到你部手機喇。睇吓個App有乜玩先，你可以選擇顯示佢預設嘅圖案，仲可以去Market免費下載好多唔同嘅圖案，主要分為三大類，你可以選擇佢嘅靜態圖片、動畫圖案又或者一啲小工具。哇咁多圖案，日日轉款都冇問題啦！都揀唔落手，唔緊要，你可以自己畫呀！不過你睇吓我畫成咁嘅樣，都係揀返個靚仔卡通算喇。
不如講下啲小工具啊，除咗自訂動畫字同埋時間顯示之外，我最鍾意嘅就係將個背囊變成單車指揮燈喇。只要你將部手機放喺車頭，開啟呢個單車小工具，你就可以顯示左右指揮燈同埋停車嘅燈號起自己嘅背囊後邊，咁就夠晒安全啦！將來仲可以配合之後推出嘅 Cycling Widget，自動偵測你減速嘅情況去顯示停車嘅訊號，鍾意踩單車嘅朋友有多一個選擇喇！
呢個背囊除咗Cyber之外，內籠都唔講得少個喎。PIX Backpack採用左放潑水同埋避震嘅物料製成，一般微雨天或者正常嘅碰撞都唔使擔心，入面嘅電腦格放部Full Size嘅手提電腦都仲綽綽有餘，連埋平時出街要放嘅行動電源、充電線、或者其他淋淋瀋瀋野都唔怕唔夠位啦。
希望你鐘意我今次嘅介紹！記得Subscribe我哋 MeeeepMore嘅Facebook專頁同Youtube頻道，同埋Alfred Mak 嘅Facebook專頁！今集講住咁多先，再見！
Z世代達人
麥卓華
