播出日期:26/4/2019
WhatsApp 通訊已經成為咗香港人生活嘅一部份，私隱問題亦引起咗大家嘅關注，好似俾唔俾人睇到自己最後 Online 時間、頭像Show 唔 Show 俾邊個睇… 咁究竟要點樣Set？ 今日就同大家睇下！
Whatsapp 大部份嘅私隱設定都可以喺「設定」入面嘅「帳號」搵到。好多時大家都鍾意用個人頭像，但呢類型嘅相片，俾陌生人睇就好似怪咁，但你又知唔知，原來所有人都可以透過你嘅電話號碼睇到你嘅樣呢？ 我建議大家在「設定」入面揀、「帳號」、「隱私」、「個人頭像」…之後你可以揀番「我的聯絡人」，咁就只有你在電話簿入面嘅「聯絡人」可以睇到你嘅頭像縮圖… 其他你唔識或者唔熟嘅人，就算加你嘅 WhatsApp，都睇唔到頭像縮圖！
另外，你亦可以在「隱私」入面「最後上線」，選擇係唔係顯示最後上線間俾你嘅朋友，或者其他人睇到，有時都可以避免好多尷尬嘅情況出現！
另外，WhatsApp 藍剔係好多人最唔鐘意嘅功能。以前只有 Android手機先可以關閉呢個功能，不過近期 iPhone 都一樣可以喇！iPhone同埋 Android 嘅用戶都只要在「設定」、「帳號」、「隱私」入面嘅「已讀標記」，熄咗之後，以後就算睇咗訊息，發訊人都就唔會再有藍剔出現。
《Z世代達人》
麥卓華
![小米 Airdots 青春版 藍牙耳機 [2019] - 香港開箱！](https://i1.ytimg.com/vi/zcx64SFBwGg/mqdefault.jpg)
