播出日期:18/9/2019
連老火湯都有得飲，新加坡呢個國泰貴賓室仲有乜嘢食呢？
近年國泰航空致力打造唔同航點嘅貴賓室，今日要介紹嘅新加坡樟宜機場 4 號客運大樓國泰航空貴賓室，喺 2017 年先開幕，以後等飛機都可以舒舒服服嘆番陣啦！
呢個貴賓室最大嘅賣點就係一入嚟嘅 Noodle Bar 喇。呢度奉行即叫即煮嘅理念，你睇個個廚師都有板有眼，而且仲相當忙碌㗎！
睇下有乜食先，好似樣樣都唔錯咁喎！我就叫咗新加坡喇沙、海南雞飯、燒賣、同埋港式雲吞麵...... 你睇吓連醬料都好講究！ 睇我食到咁滋味，就知有幾正啦！
而喺 noodle bar 行入啲就係自助餐嘅地方，雖然可以揀嘅種類唔算太多，但係一般冷盤、沙律、西式熱盤以至中式老火湯都一應俱全，
喺航空公司貴賓室嚟講，佢都算做到 No.1 喇！
除咗嘢食之外，呢度嘅裝修亦都相當舒適，休息區有大量空間同埋座位，望出去 4 號客運大樓亦都相當開陽，呢度亦都有商務中心，要印嘢或者上吓網都絕對唔成問題啦！
只要你係國泰航空馬可孛羅會銀咭或者以上嘅會員，又或者乘搭國泰航空嘅商務客位，就可以免費使用呢個貴賓室喇！
![魚頭米線皇者之選！同場加映XO老鼠粉！吉隆坡美食推介 [2019]](https://i1.ytimg.com/vi/DDanq79S3Ac/mqdefault.jpg)
