播出日期:14/2/2018
最新嘅科技資料、潮流玩意，都有《Z世代達人》麥卓華到處搜羅送到你面前！
Whatsapp早前公佈推出Whatsapp Business，方便一眾公司客戶使用。
要登記Whatsapp Business唔難，同一般Whatsapp登記無乜分別。首先，你要在 Google Play 下載 Whatsapp Business (WA Business) 呢個應用程式，之後打開應該程式，輸入要用來登記的電話號碼，之後就會按平時程序以短訊方式認證呢個號碼。請留意，如果你的號碼之前已登記了Whatsapp，佢會即刻問你係唔係想將個號碼轉去Whatsapp Business，一經轉移，你之前的對話記錄並唔會帶到新的商業戶口，所以要睇清楚先好行動呀！
認證號碼之後，就要輸入你公司或者品牌名稱。記得要check清楚，因為打錯咗係無得改架！另外，我建議大家輸入時要用你品牌或者公司名的全寫，因為Whatsapp之後有好大機會會推出實名認證，即係個剔號，如果個名有野唔對路，可能會影響係日後的認證架！
開啟程式後，你會見到一個同Whatsapp個人版大同小異的介面。如果你在對話頁的右上方拉開選單，會見到「商業設定」，呢個亦都係Whatsapp Business的主菜。除咗頭先輸入嘅公司名之外，呢度仲可以設定地址以及其他聯絡資料。另外，你亦都可以設定營業時間，你仲可以在呢個設定入面，輸入你客戶搵你時會自己送出的歡迎語、在非營業時間的自動回覆，以及常用的回覆短句等等一系列方便溝通的工具。
不過，暫時最新的版本都未有推出多機使用同一帳號的功能，亦未有商戶認證。
另外，之前有傳Whatsapp Business會收費，但到目前為止，亦未見到有呢個收費提示。但留意喇，IOS 平台既用戶可能就要等等，因為目前Whatsapp Business 只可以在 Google Play Store Download咋！
《Z世代達人》
主持：麥卓華
