Z世代達人

播出日期:9/2/2018

最新嘅科技資料、潮流玩意,都有《Z世代達人》麥卓華到處搜羅送到你面前!

香港電訊市場一向都競爭激烈,最近就有電訊商推出副線品牌,除咗之前介紹過嘅ClubSIM之外,數碼通亦透過佢地嘅關聯公司推出Birdie自由鳥流動通訊服務。

Birdie自由鳥服務標榜無合約,價格優惠,即日起到18年3月25日,仲提供2個月免費試用。只要你去到 www.birdie.com.hk,又或者直接在手機下載 Birdie Mobile手機應用程式就可以進行登記。你只要揀「登記免費試用」,你就會睇到今次試用係每月5GB嘅21MB限速數據同1000分鐘通話分鐘一共兩個月,之後你可以選擇新號碼,又或者將你用緊既電話號碼帶過去,入埋你既個人資料,張卡就會寄到去你指定的地址。收到卡後跟據指至啟動,大概幾分鐘到一個鐘內,就可以用到服務。正常用來Whatsapp、上網、甚至睇片,Birdie既速度已經好夠用啦!另外,Birdie有個獨有既「數據P2P」功能,如果有用緊Birdie 既朋友唔夠數據用而你又有多,可以用App即時「射」數據俾對方!

Birdie亦有另一個特點,就係平價既漫遊上網服務。優惠期內只要$12日費,就可以於日本、台灣、印尼、澳門、新加坡或者馬來西亞漫遊上網500MB。 

Birdie暫時都未有公佈試用期後的收費,大家就要拭目以待喇。


《Z世代達人》
主持:麥卓華

追蹤我們
公司殊榮
Copyright Claims
Copyright Claims