播出日期:13/6/2018
最新嘅科技資料、潮流玩意，都有《Z世代達人》麥卓華到處搜羅送到你面前！
今時今日，一人多機多SIM已經唔係奇事，網絡商當然睇準咗呢個「副線」市場，以唔同牌子去推出彈性較大嘅手機服務計劃。繼CSL推出ClubSIM、同埋Smartone推出自由鳥Birdie之後，3香港亦推出類似嘅品牌「MO」… 主打無合約、無行政費等等。面對Clubsim同Birdie嘅競爭，MO又有D乜野奇招？
MO其實仲在試運階段，所以而家申請，就可以免費試用一個月，當中最特別嘅係包括咗20GB全速本地社交平台數據同埋2GB本地流動數據，而且仲包埋無限嘅本地語音通話同埋全套電話處理組合！為咗配合呢個品牌嘅潮流形象， MO仲會送多個MO Box，每個月會包括唔同嘅精選優惠同禮物，都算係幾出位架！
睇番個Plan本身，究竟廣告主打既22GB數據抵唔抵呢？呢22GB其實得2GB係一般數據、其他20GB，就一定要用在Facebook、IG、WhatsApp、Line同埋WeChat。留意喇，YouTube同睇片既App都係唔包架，所以除非你長時間會用部機上各大社交媒體睇片，如果唔係，其實20GB都幾難用得晒！但2GB嘅一般數據反而就真係孤寒咗少少，除非你成日有Wi-Fi，如果唔係，其實一般人上下動新聞、睇多兩條片、應該一個月會唔夠用！
現時MO仲未公佈收費，不過相信都會係在幾十蚊一個月左右。點申請？官方就叫大家要Follow佢地嘅專頁喎！
《Z世代達人》
主持：麥卓華
