播出日期:3/8/2018
今時今日大部份朋友出Trip去旅行，都會記得要租Wi-Fi蛋或者買卡上網，漫遊數據絕對係外遊必須品。不過，時不時都有朋友問我，外遊有時都有遇到要講電話嘅情況，雖然你可以打WhatsApp Call俾你嘅朋友，不過當你要打特定嘅電話號碼，又唔想用話音漫遊，可以點打先最慳錢呢？
呢個問題嘅答案，取決於你用緊邊間手機網絡供應商同邊類服務計劃喇。如果你用緊嘅係一啲包括多地數據嘅服務計劃，你可以留意你計劃入面有無包括優惠嘅漫遊通話。好似中移動嘅飛常系列計劃，在大部份亞洲地區接聽電話或者致電返香港都係每分鐘$2，比起話音漫遊郁啲就要十幾蚊一分鐘慳好多！
另外，CSL嘅大中華服務計劃，每月只要+$10，就可以有最多100分鐘亞洲地區嘅免費通話！除翻開都係一號子一分鐘！另外，CSL都有提供 傾King Wifi電話服務，只要用插住佢哋Sim卡嘅手機連接Wifi、開埋傾King App就即刻可以免費接聽同打電話返香港！ 不過呢個App要駁住Wi-Fi，最適合用Wi-Fi蛋嘅朋友用喇。
如果你有用緊Office365月費計劃、唔知你又知唔知，當中已經包括咗每月60分鐘嘅Skype通話時間呢？呢60分鐘嘅通話時間可以在世界各地任何地區打電話，不過要留意，由於Skype本身無電話號碼，所以你唔可以通過呢個包括在Office365入面嘅服務接聽來電！
《Z世代達人》
麥卓華
