Z世代達人

播出日期:10/8/2018

三星在香港時間2018年8月10日零晨發佈咗全新嘅Note9 手機,雖然事前在網上都有唔少傳言,不過最終都帶俾我哋一定程度嘅驚喜架!今集就同大家重點介紹下!
 
首先講外型,對比上一代Note8,Note9在大小同外觀上都無好大嘅分別,只是厚咗少少同埋重咗少少,螢光幕亦輕微大咗0.1吋到6.4吋,一樣支援IP68防水防塵,機背嘅指紋辨識功能,由在鏡頭旁邊,改為放在鏡頭嘅下面。厚咗嘅原因,相信係因為電量由3300mAH大幅加到4000mAH,官方話可以撐足上班族用一日,亦係呢部機今次最大嘅驚喜位。
 
顏色配搭方面,推出時會有紫色、黑色同籃色,不過官方就展示咗籃色機色配黃色SPen嘅特別配搭,不過未知香港推出時會唔會有。提起SPen,今次呢支SPen亦係全新設計,加入咗籃芽功能,除咗可以在Mon上寫嘢之外,仲可以在遠距離做影相嘅遙控,同埋操作音樂播放程式等等。呢支筆可以插翻入部機自動充電,相當方便。
 
講下部機嘅性能喇,CPU一如預期同S9系列一樣用高通S845頂級處理器,Ram亦加大到從6GB起跳,高配版仲內置8GB Ram。儲存空間就相對有驚喜,高配版內置512GB儲存空間,仲支援最大512GB嘅MicroSD記憶卡,加埋可以有成1TB嘅儲存空間!不過雙SIM卡槽就要同記憶卡放在一齊,即係如果你選擇用外置記憶卡,就會暫時無咗雙卡功能。另外,呢部手機亦支援最高1.2Gbps 嘅 LTE網絡,不過當然要配合個別電訊商嘅設定同埋你嘅服務計劃啦!部機行咁快,會有發熱嘅情況就小不免,三星今次仲加入水碳冷卻功能,咁就唔怕部機發熱影響表現啦!
 
相機方面就唔算有太大驚喜,有兩個1200萬像素支援2倍光學變焦嘅主鏡頭同埋800萬像素嘅自拍鏡頭,透過AI技術,除咗做到流行嘅美圖、散景功能外,仲可以自動偵測相片瑕疵,背光、眨眼、鬆郁濛都會俾佢發現架!
 
發伂會無公布Note9嘅售價,不過相信會同 Note8系列相若,第一批Note9將會在8月24日發售,但香港會唔會係首發嘅地區呢?暫時就未有消息。
 
《Z世代達人》
麥卓華

追蹤我們
公司殊榮
Copyright Claims
Copyright Claims