Z世代達人

播出日期:23/11/2018

智能手錶同埋穿戴裝置在近年大行其道,功能由一般嘅步數計、心跳計、以至GPS都有。不過有時你可能會覺得唔需要咁多function,只係希望隻錶可以自動對下時間、或者有啲簡單嘅提示功能,今日嘅介紹可能就幫到你喇。
 
講緊嘅就係於2018年尾G-Shock推出嘅呢隻 GW-B5600 款手錶喇。其實佢嘅外觀同之前G-Shock出嘅5600經典款差唔多,不過就內置咗全新嘅籃芽功能,配對埋手機嘅 G-Shock Connected App,就可以用到好多唔同嘅功能!
 
等我試下先!打開 G-Shock Connected App,揀番錶款,按住手錶左下面嘅掣3秒,就會見到兩邊都顯示連接緊,之後好快就連接完成!當連接完成之後,隻錶就會自動對準手機嘅時間。如果你去咗唔同嘅時區,其實落機都可以用呢個方法對時,就唔駛人手調較喇! 
 
另一個功能,就係可以記錄低你幾時去過邊到。好似我宜家咁,只要按一按右下角嘅掣,隻錶就會在手機記錄低時間同埋地位,睇下!呢個就係我公司嘅定位喇,有時經過啲你鐘意嘅地方,又唔知個實際位置,就可以按低個定位之後慢慢再搵啦!
 
以前在電子錶要設定鬧鐘,就只可以在細細嘅錶面進行,現在 G-Shock Connected 就可以幫到你! 你可以在呢到Set定響鬧嘅時間,又或者一啲提示訊息,我就試下入今日係「test」,當到左指定嘅日期同埋時間,手錶就會顯示出來喇!
 
 
《Z世代達人》
麥卓華

追蹤我們
公司殊榮
Copyright Claims
Copyright Claims