播出日期:28/11/2018
香港我哋成日都話八達通壟斷咗交通支付市場，不過來到悉尼呢到，佢哋嘅輕軌唔單只可以用佢哋當地嘅交通卡，原來連 Visa、Master同埋AE，包括你嘅Apple Pay同埋 Android Pay都一樣可以嘟到架！
悉尼嘅輕軌系統同香港嘅輕鐵類似，同樣都係開放式月台，要在站入面自行去呢啲「拍卡處」拍卡入站同埋出站。唔同嘅，就係除咗可以用佢哋當地嘅交通卡之外，亦都好歡迎大家使用有NFC功能嘅信用卡同埋手機俾錢，就算好似我呢類遊客，都唔駛買交通卡，一樣可以週圍去！
睇下我嘅手機錢包紀錄先。同平時買嘢唔同，只係顯示咗個站名，在拍攝之後兩日左右亦在網上睇到呢個文易，相信用咗離線，亦即係事後收錢嘅拍卡技術，所以相比我哋用開嘅八達通，都唔覺得慢… 唔知現在先開始招標引入信用卡入閘嘅港鐵，又幾時先用得呢？
搭完車拍多一下就可以出站，就算你無當地嘅交通卡呢，都唔駛逐張單程票去買，方便好多！
《Z世代達人》
麥卓華
