播出日期:12/12/2018
樂齡科技係近年開發科技產品嘅大熱，大家都希望可以透過科技去改善年長人士嘅生活質素。2018年台北資訊月嘅其中一個重點主題就係樂齡科技，而我就搵咗呢個「銀髮臥室」同大家介紹一下。
唔好以為我行來行去做緊乜嘢，其實我下面嘅軟墊已經連接咗感應器，正常就算我哋不在老人家屋企，透過網絡就可以在手機睇到呢啲感應器顯示唔同嘅顏色，即係表示老人家在邊一塊地板附近行來行去，就會知道當時嘅情況又唔會侵犯到佢嘅私隱，咁同時呢如果我哋瞓覺嘅時候，如果瞓低咗，呢到都會展現佢唔同嘅姿勢。
我就自己試過，如果平瞓在床上，遠端手機就會見到顯示老人家在瞓緊覺。如果老人家起身，手機就會有「離床提示」，方便照顧佢嘅屋企人知道老人家醒咗，唔駛下下都望到實，屋企人就可以放心做其他家務或者休息一陣啦！
「銀髮臥室」 亦引入咗可以同時幫長者做運動同埋改善記憶力嘅遊戲，好似我宜家玩緊呢個咁，長者可以用腳打開大螢幕顯示嘅牌，再一對一對咁搵番出來，將做運動變成一件樂事，又可以同時動動腦筋，考下記憶力架！
《Z世代達人》
麥卓華
